इलाम : इलाममा बुधबार (आज) दिउँसो सवारी साधन दुर्घटनामा परी तीन जना घाइते भएका छन् ।
ताप्लेजुङबाट झापाको विर्तामोडतर्फ जाँदै गरेको मे १ ज ३१७९ नम्बरको सवारी मेची राजमार्ग अन्तरगत रोङ गाउँपालिका-३ स्थित कोल्बुङ खण्डमा दिउँसो करिब ३ बजे सवारी साधन दुर्घटना भएको हो ।
दुर्घटनामा परी घाइते भएकाहरुको झापाको विर्तासिटीमा उपचारका लागि पठाइएको जिल्ला प्रहरी कार्यालय इलामका प्रहरी नायब उपरीक्षक प्रकाश जवेगूले जानकारी दिए । घाइतेको विवरण आउन बाँकी रहेको जवेगूले बताए ।
