माईपोखरी : नेपाली कांग्रेसका इलाम सभापति एबम अग्रज समाजसेवी डम्बर बहादुर खड्काले इलामको माईपोखरीमा जारी त्रिधार्मिक महोत्सवमा ५१ हजार नगद सहयोग गरेका छन ।
सन्दकपुरको पर्यटन प्रबर्द्धन गर्ने उदेश्य अनुरुप जारी त्रिधार्मिक एतिहासिक महोत्सव सफल बनाउनका लागि खड्काले आर्थिक सहयोग प्रदान गरेका हुन ।
गत मसिर १ गतेदेखि शुरु भएको महोत्सवमा मगलबार माईपोखरी नै पुगेर उनले सो रकम प्रदान गरेका हुन । कार्यक्रमको प्रमुख अतिथी समेत रहेका खड्काले सदाचार , शिलाचार र ध्यान हाम्रो धर्मका मुल मन्त्र हुन भन्दै महोत्सवको सफलताको शुभकामना दिए ।
इलाम जिल्लाका अग्रज समाजसेवीको रुपमा परिचय बनाएका खड्कालाई एतिहासिक महोत्सवमा भब्य स्वागत समेत गरिएको थियो ।
