इलाम : इलामको देउमाई नगरपालिका-२ स्थित साब्जुङमा जारी दिपावली विशेष खुला नकआउट फुटबल प्रतियोगितामा विकल्प एफसी फाइनलमा प्रवेश गरेको छ ।
सोबार भएको अन्तिम सेमीफाइनलमा इस्ट इलामलाई ३-२ गोल अन्तरले हराउँदै विकल्प फाइनलको यात्रा तय गरेको हो ।
विकल्पले अब उपाधिका लागि २७ कात्तिकमा हुने फाइनलमा मिर्मिरे एफसीसँग प्रतिष्पर्धा गर्नेछ ।
नेकपा (माओवादी केन्द्री) को सहायक संगठन वाइसीएल नेपालको प्रायोजनमा साब्जुङ खेलकुद विकास समितिको आयोजनमा १३ कात्तिकदेखि संचालित प्रतियोगितामा २६ टिमको सहभागिता थियो ।
प्रतियोगिताको विजेताले नगद ५० हजार र उपविजेताले नगद ३० हजार पाउनेछन् ।
