इलाम : इलामको देउमाई नगरपालिका-३ मुलखर्कमा मगंलबारदेखि तेस्रो संस्करणको मुलखर्क भेट्रान्स कप फुटबल प्रतियोगिता सुरु भएको छ ।
स्थानीय मुलखर्क युवा खेलकुद विकास समितिको आयोजनामा सुरु भएको प्रतियोगिताको उद्घाटन खेलमा नेपालटार फुटबल क्लब र ग्रीन इलाम भेट्रान्स ईलाम विजयी भएका छन् ।
पहिलो खेलमा धुसेनी फुटबल क्लबलाई ४-२ गोल अन्तरले पराजित गर्दै नेपालटार क्लब विजयी भएको हो । त्यसैगरी दोस्रो खेलमा फत्तेजुङ्ग भेट्रान्सलाई ५-२ गोल अन्तरले पराजित गर्दै ग्रीन इलाम भेट्रान्स ईलाम विजयी भयो ।
प्रतियोगिताका विजेताले २५ हजार १ र उपविजेताले १५ हजार १ रुपैयाँ नगद पुरस्कार पाउने आयोजक समितिका अध्यक्ष ताराबाबु सुवेदीले जानकारी दिए ।
प्रतियोगितामा १० टिमको सहभागिता रहेको छ । प्रतियोगिताको फाइनल ६ कात्तिकमा हुनेछ ।
मुलखर्क भेट्रान्स कप फुटबल प्रतियोगिता विगत ३ वर्गदेखि मुलखर्कमा संचालन हुँदै आईरहेको छ ।
