इलाम : इलाममा ट्राफिक नियम उल्लंघन गर्दा चालकले तिर्ने जरिवाना अब राष्ट्रिय बाणिज्य बैंकमा बुझाउनुपर्ने भएको छ । यसअघि सर्वसाधारणले ट्राफिक कार्यालयमा बुझाउने गरेका थिए ।
बैंकमा भौचर भरेर पैसा तिरेको रसिद देखाएपछि मात्रै ट्राफिकले नियन्त्रणमा लिएको सवारी, लाइसेन्स वा कागजात उपलब्ध गराउनेछ ।
जिल्ला ट्राफिक कार्यालय इलाम र त्यस मातहतको ट्राफिक पोस्ट बिबल्याटेले बैंकमार्फत राजस्व लिने व्यवस्था सुरु भएको इलामका ट्राफिक प्रहरी प्रमुख दिपक दुलालले बताए ।
उनले असोज २२ गते सोमबार बाट यसको सुरुवात भएको बताउदै अब जिल्ला भर नै यहि ब्यबस्था मिलाउने तयारी भइरहेको समेत बताए ।
ट्राफिकलाई जरिवाना बुझाउँदा सर्वसाधारणलाई रसिद नदिने, नक्कली रसिद छपाएर राजस्व अनियमितता गरेको आरोप लाग्ने गरेको थियो ।
