177 पटक हेरिएको 
इलाम : राष्ट्रिय जनमुक्ति पार्टीसहित छ वटा घटकले आह्वान गरेको कोशी प्रदेशअन्तर्गत लिम्बुवान क्षेत्र बन्दले पूर्वमा आज बिहानैदेखि यातायातका साधन चल्न सकेका छैनन् ।
बन्दका कारण झापामा यातायातका साधन फाट्टफुट्ट मात्र चलेको जिल्ला प्रहरी कार्यालयका प्रवक्ता डीएसपी खगेन्द्रप्रसाद रिजालले बताए ।
ऐतिहासिक सन्धि सम्झौतालाई कार्यान्वयनसहित कोशी प्रदेश पुनःनामांकन गर्न दवाबस्वरुप आज एकदिने बन्दको घोषणा गरेको हो । लिम्बुवान बन्दप्रति विभिन्न पार्टीले सममर्थन र ऐक्यवद्धता जनाएका छन् ।
जनता समाजवादी पार्टी नेपाल लिम्बुवान राष्ट्रिय समिति, नागरिक उन्मुक्ति पार्टी (एकीकृत) लिम्बुवान प्रान्तीय समिति र संघीय लोकतान्त्रिक राष्ट्रिय मञ्चले बन्दप्रति ऐक्यवद्धता जनाएका छन् ।
