पाँचथर: फिदिम नगरपालिका १ शनिबारे नजिकै अटो दुर्घटनामा परि बुधबार बिहान एक महिलाको ज्यान गएको छ । फिदिम ६ निवासी ५५ वर्षीय हरिमाया तुम्रोकको मृत्यु भएको जिल्ला प्रहरी कार्यालय पाँचथरले जनाएको छ । अटोमा सवार अन्य चार जना घाइते भएका छन् ।
टाउको र चिउँडोमा गम्भीर चोट लागेको घाइते तुम्रोकको पाँचथर अस्पतालमा उपचारकै क्रममा मृत्यु भएको बताइएको छ । फिदिम ६ शिवाबाट फिदिम बजार तर्फ आउँदै गरेको प्र १-०१-००१ स ८७०५ नम्बरको अटो अनियन्त्रित भइ दुर्घटना भएको प्रहरीले कार्यालयले जानकारी गराए । अटोमा सवार घाइते फिदिम ६ बस्ने सन्देश लिम्बु,बसन्ती लिम्बु र फिदिम ७ निवासी कुशल लिम्बु सामान्य अवस्थामा रहेको साथै पाँचथर अस्पतालमा उपचार भइरहेको छ । अटोसहित चालक दिपक लिम्बुलाई प्रहरीले नियन्त्रणमा लिएको छ ।
