इलाम : इलाममा सहकारी मार्फत् किसानलाई बाँड्नुपर्ने रासायनिक मल बेच्ने कृषि बिज भण्डारलाई २ लाख रुपैयाँ जरिवाना गरिएकाे छ । सदरमुकामकाे मालापथमा भेषराज पराजुलीले सञ्चालन गरेको पसलमा सहकारी मार्फत् किसानलाई बाँड्नुपर्ने अनुदानको रासायनिक मल फेला परेपछि जरिमाना गराईएको हो ।
गएकाे बुधबार बजार अनुगमन गर्ने क्रममा उक्त कृषि विज भण्डारमा अनुदानको रासायनिक मल फेला परेपछि नयाँ बुलन्द डटकम अनलाईनले निरन्तर समाचार प्रकाशन गरिरहेकाे थियाे । बुधबार अनुदानको मल विचौलियालाई विक्री गर्दै इलामका सहकारी ,नियमनकारी निकाय बने रमिते र शनिबार कसरी पुग्याे सरकारी अनुदानकाे मल विचौलिया सम्म ? सहकारीलाई साेधियाे स्पष्टीकरण शिर्षक राखेर समाचार प्रकाशन गरेकाे थियाे ।
अनुदानको मल विक्री अनुमति बेगर नै मल बिक्रि गरेको पाइएपछि प्रशासनले मल गोदाम नै शिल गरेको थियो भने तीन दिनभित्रमा कागजात बुझाउन समय दिइएको थियो । म्याद असार १७ मा सकिँदासम्म पसलले मलको अधिकारिकताबारे कुनै प्रमाण दिन नसकेपछि अाइतबार जरिमाना सहित गाेदाममा राखिएकाे मल जफत गराएको छ ।
पराजुलीले सञ्चालन गरेको पसलमा अनुगमनमा ३४ बोरा युरिया र १८ बोरा डिएपी मल भेटिएको थियो । पसल सञ्चालकले झापाकाे चारअालीबाट मल ल्याएकाे भने पनि त्यससम्बन्धी कुनै पनि प्रमाण नभएपछि छानबिन गरिएको थियो । उता सहकारीलाई पनि छानबिन भइरहेकाे बताइएकाे छ ।