नक्कली शरणार्थी प्रकरणमा कसैको दबाबमा परिन्नँ, कानूनको दायरामा ल्याएरै छाडिन्छ : प्रधानमन्त्री

  नयाँ बुलन्द
119 Shares

काठमाडौं : प्रधानमन्त्री पुष्पकमल दाहाल ‘प्रचण्ड’ले नक्कली शरणार्थी प्रकरणमा जोडिएका कोही कसैलाई पनि छुट नदिइने बताएका छन् । उनले कोही कसैको दबाबमा नपर्ने र दोषीलाई कारबाहीको दायरामा ल्याएरै छाडिने बताए ।

प्रधानमन्त्री तथा मन्त्रिपरिषद्को कार्यालयमा आज प्रधानमन्त्री दाहाल र नेकपा (एमाले)का अध्यक्ष केपी शर्मा ओलीसँग छलफल भएको थियो । त्यसलगत्तै सिंहदरबारमा सञ्चारकर्मीसँगको संक्षिप्त कुराकानीमा प्रधानमन्त्री दाहालले भने, ‘आज ओलीजीले अनुसन्धानबारे कन्सर्न राख्नुभयो ।’

एमाले अध्यक्ष ओलीले नक्कली शरणार्थी प्रकरणमा पार्टीका उच्च तहका नेताहरुमाथि भइरहेको अनुसन्धानका बारेमा चासो राखेको प्रधानमन्त्री दाहालले जानकारी दिए ।

उनले भने, ‘हामी कसैको दबाबमा पर्दैनौँ, कानून अनुसार अनुसन्धान प्रक्रिया अघि बढ्छ, यो रोकिँदैन, हामी दृढताका साथ अघि बढ्छौँ ।’ प्रधानमन्त्री दाहालले ‘निर्दोष कोही नपरून्, दोषी कोही नछुटुन्’ भन्ने मान्यतामा नै सरकार अगाडि बढिरहेको बताए ।

तपाईको प्रतिक्रिया

सम्बन्धित समाचार