झापा : झापाको दमक-६ स्थित मुख्य बजार क्षेत्रमा आगलागी भएको छ । आगलागीबाट नमूना बजारस्थित मिसाल बजारका ११ सटरका पसल जलेको इलाका प्रहरी कार्यालय दमकले जनाएको छ ।
आइतबार बिहान ३ बजेदेखि लागेको आगो करिब ५:३० बजे मात्र नियन्त्रणमा आएको इलाका प्रहरी कार्यालय दमकका प्रहरी नायब उपरीक्षक दीलिप गिरीले जानकारी दिए ।
आगलागीबाट ११ वटा सटरमा रहेका जुत्ता-चप्पल, कपडालगायतका पसल जलेर नष्ट भएका छन् । आगलागीबाट भएको क्षतिको विस्तृत विवरण आइसकेको छैन ।
झापा र मोरङका सातवटा दमकलले आगो नियन्त्रणमा लिएको डिएसपी गिरीले बताए । विद्युत सर्ट भई आगलागी भएको हुन सक्ने प्रहरीको अनुमान छ ।
