पाँचथरः जेसीबीले बाटो खन्ने क्रममा ढुङ्गाले लागेका एक युवकको उपचार हुँदै गर्दा पाँचथर अस्पतालमा मृत्यु भएको छ ।
मृत्यु हुनेमा बर्दिया जिल्लाको बाराबर्दिया गाउँपालिका वडा नम्बर ८ बस्ने ३३ वर्षीय लालबहादुर थारु रहेको जिल्ला प्रहरी कार्यालय पाँचथरले जनाएको छ ।
आइतबार बिहान १०:३० बजे याङबरक गाउँपालिका वडा नम्बर ३ सामाखुस्थित ईङ्वा हाईड्रोपावरको जेसीबीले हाईड्रोपावर जाने बाटो खन्ने क्रममा अचानक ढुङ्गा खस्न गई सोही कम्पनीमा काम गर्ने कामदारलाई ढुङ्गाले लागि घाईते भएपछि जिल्ला अस्पताल पाँचथरमा १:११ बजे ल्याई उपचार भईरहेको थियो । उपचारकै क्रमम दिउँसो १:२१ बजे डाक्टरले मृत घोषणा गरेको प्रहरी कार्यालयले जनाएको छ । उक्त घटना स्थलमा प्रहरी चौकी नागथर्पु पाँचथरबाट प्रहरी नायव निरिक्षक रण बहादुर कार्कीको कमाण्डमा प्रहरी टोली थप अनुसन्धानको लागि पठाइएको छ ।
