प्रदेश सभामा पनि कांग्रेसले खाता खोल्यो, मुस्ताङको प्रदेशसभा १ मा नाम्डु गुरुङ निर्वाचित

काठमाडौँ : मुस्ताङको प्रदेशसभा १ बाट नेपाली कांग्रेसका उम्मेदवार नाम्डु गुरुङ निर्वाचित भएका छन् । विजयी गुरुङले १ हजार ४८ मत ल्याए। उनीसँग प्रतिस्पर्धा गरेका नेकपा एमालेका इन्द्रधारा विष्ट ७ सय ९३ मतमा समेटिए ।

विष्ट यसअघि एमालेबाट निर्वाचित प्रदेश सांसद थिए । यहाँ १ हजार ८ सय ५५ मत खसेको थियो । यहाँ प्रतिनिधिसभातर्फ कांग्रेसकै योगेश गौचन थकाली निर्वाचित भइसकेका छन् ।