नागरिकका समस्या बुझन सक्ने र आफनो निर्वाचन क्षेत्रको भूगोललाई मसिनो गरी बुझन सक्ने उम्मेदवारको रुपमा शम्सेर राईलाई चिनिन्छ । गाउँपालिकामा रहदा गरेको कामकै कारण राईलाई प्रदेश सभा निर्वाचनमा पनि बिकास प्रेमी नेताको रुपमा पहिचान बनाउन सहज भएको हो ।
गठबन्धनको तर्फबाट निर्वाचन क्षेत्र न.ं १ को प्रदेश सभा २(ख)मा उम्मेदवार बन्नु भएका राई हाल नेपाली कांग्रेसको क्षेत्रीय सभापति हुनुहुन्छ । बिद्याथी काल देखि नै राजनीतिमा प्रवेश गर्नु भएका राई लामो समय शिक्षण पेशामा समेत आवद्ध रहनु भयो । २०४३ सालमा नेबिसंघको राजनीति शुरु गर्नु भएका राई मेची क्याम्पसको सभापति बन्नु भयो । काग्रेसको जिल्ला कमिटी सदस्य, शिक्षक संघमा बसेर काम गर्नु भएका राई हाल काग्रेसको क्षेत्रीय सभापति हुनुहुन्छ ।
गठबन्धनले सहजः
नेपाली काग्रेसका क्षेत्रीय सभापती समेत रहनु भएका शम्सेर राई नेकपा एस र मोवादी केन्द्रबाट साझा उम्मेदवार हुनुहुन्छ भने, दिपक थेवे एमालेका सिंगल उम्मेदवार हुनुहुन्छ । राई मतदाता माझ पपुलर मानिनु हुन्छ ।
गत स्थानीय निर्वाचनको मत परिणाम अनुसार पनि यो निर्वाचन क्षेत्रमा गठबन्धन मतको आधारमा बलियो छ ।
रोङ गाउँपालिकाका ६ वडा मध्ये ३ वटा गठबन्धनबाट काग्रेसले , १ स्वतन्त्रले जितेको छ । स्वतन्त्र उम्मेद्धवार पनि काग्रेसकै हुन । वडा नम्बर २ र ४ मा स्थानीय निर्वाचनमा बिभाजन भएको मत पनि यस पटक गठबन्धनको एउटै डालोमा जाने देखिन्छ ।
यस्तै सूर्योदयका उक्त प्रदेश सभामा पर्ने ८ वटा वडा मध्ये १ वटा वडा( वडा नम्बर १३) मात्र एमालेले जितेको छ ।
वडा नम्बर ४, ६ र १२ अहिले गठबन्धनमा रहेको नेकपा एसले जितेको छ । वडा नम्बर ५, ७, ८ र १४ नेपाली काग्रेसले जितेको छ । ८ वडा मध्ये ७ वटा वडामा गठबन्धनको पक्कड छ । मतदाता संख्या बढी भएको सूर्योदयका यी नै वडा नै प्रदेश उम्मेदवारका लागि निर्णायक हुने देखिन्छ ।
उक्त निर्वाचन क्षेत्रमा पर्ने माई नगरपालिकाको ७ वटा वडा निर्वाचन क्षेत्र नम्बर १ को प्रदेश सभा ख मा पर्दछन । जसमा स्थानीय तहको अवस्था हेर्दा वडा नम्बर १ र ३ गरी २ वटा काग्रेसले र वडा न.ं२, ४,५, ९ र १० गरी ५ वटा वडा एमालेले जितेको छ ।
प्रदेश सभा ख मा पर्ने यी तीन पालिकाकाको २१ वटा वडा मध्ये १३ वटा वडामा गठबन्धन र ८ वटामा एमलेले जितेको छ । अर्को तर्फ सूर्योदयको नगर प्रमुख र रोङको अध्यक्षमा गठबन्धन नै बिजयी भएको छ । यसलाई आधार मान्धा र स्थानीयले रुचाईएका उम्मेदवार भएका कारण उहाको पल्ला भारी रहेको गठबन्धन दलले अनुमान गरेका छन । वडामा आफु आफु चुनाव लड्दा आएको मतको आधार मात्र भएकाले पनि गठबन्धन दलले सबै एकै ठाउँ हुँदा अझै मत बढ्ने अनुमान गरेका छन ।
राईले आफु निर्वाचित भएर जादै गर्दा मत दिने मतदाताको मत खेर जान नदिने गरी बिकास गर्ने प्रतिवद्धता ब्यक्त गर्दै आउनु भएको छ ।
