इलाम : नेकपा एमाले फाकफोकथुमका उपाध्यक्ष एवम् वडा नम्बर ७ का निवर्तमान वडाध्यक्ष लोकबहादुर थापा नेपाली काङ्ग्रेस प्रवेश गरेका छन् । थापा बुधबार आयोजित एक कार्यक्रममा एमाले परित्याग काङ्ग्रेसमा प्रवेश गरेका हुन् ।
उनलाई नेपाली काङ्ग्रेस इलामका सभापति एवम् प्रतिनिधि सभा क्षेत्र नम्बर २ का उम्मेदवार डम्बरबहादुर खड्का, कांग्रेस नेता केशव थापालगायतले स्वागत गर्दै पार्टी प्रवेश गराएका थिए ।
एमालेले देश र जनताको पक्षमा काम गर्न नसकेको भन्दै आँफूले पार्टी परित्याग गरेको थापाले बताए । थापा २०७४ सालको निर्वाचनमा एमालेबाट वडा अध्यक्षमा निर्वाचित भएका थिए ।
