इलाम : नेपाली कांग्रेस इलामका नेता एवं इलाम निर्वाचन क्षेत्र नं २ प्रदेश सभा २ “क” का प्रदेशसभा सदस्यका उम्मेदवार गोबिन्द गिरिले संविधानको रक्षा गर्न निर्वाचनमा गठबन्धनले जित्नुपर्ने बताएका छन् ।
इलाम नगरपालिकाको वडा न ६ सिङफिरिङमा आज आयोजित घरदैलो तथा मतदाता भेटघाट कार्यक्रम लाई सम्बोधन गर्दै उनले लोकतन्त्र सुदृढीकरण गर्न, भ्रष्टाचार नियन्त्रण गर्न तथा मुलुकमा सुशासन कायम गर्न निर्वाचनमा गठबन्धनले सफलता हासिल गर्नुपर्ने आवश्यकता औँल्याए ।
गिरिले इलामको प्रतिनिधित्व गर्दै एउटै पाटिको ब्यक्ति लामो समय सम्म सदनमा पुगेपनी बिकास भने नगरेको बताएका छन । उनले इलाम नाममा सुगम भनेर चिनिएको भएपनी बिकासका हिसाबले अझै दुर्गम नै रहेकाले पनि यसपटक गठबंधनको जित हुने दाबी समेत गरे । उनले सम्पुर्ण मतदातालाई यसपटक गठबन्धनलाई सहयोग गर्न अपिल समेत गरेका छन ।
गिरिले गठबन्धनले जिते मुलुकमा विकास हुने र बेथिति हट्ने समेत बताए ।
