पाँचथर : नयाँ बुलन्द डटकमका उपसम्पादक युद्धबहादुर बोहोरा सम्मानित भएका छन् ।
शुक्रबार पब्लिक टाइम्स साप्ताहिक पत्रिकाको वार्षिकोत्सवको अवसरमा बोहोरालाई उत्कृष्ट संवाददाताको रूपमा सम्मान गरिएको हो । बोहोरालाई प्रमाण पत्र र नगद सहित सम्मान गरिएको थियो ।
बोहोरा इलाम र पाँचथरको सीमानामा पर्ने घुर्बिसे पंचमीमा रहेर बिभिन्न सञ्चार माध्यममा समाचार सम्प्रेषण गर्दै आएका छन् ।
पब्लिक टाइम्स फिदिमबाट प्रकाशन हुँदै आएको साप्ताहिक पत्रिका हो । उद्घाटन समारोहमा फिदिम नगरपालिका उप–प्रमुख राधाकृष्ण न्यौपानेले लोकतन्त्रका लागि अग्र भागमा रहने, सरकारलाई खबरदारी गर्ने तथा समाज रुपान्तरणमा भुमिका निर्वाह गर्ने पत्रकारलाई सम्मान गर्न पाउदा खसि लागेको बताए ।
पत्रकार बोहोरालाई प्रमाण पत्र र नगदले सम्मान गर्दै उनले आगामी मंसिरमा हुन गइहेको निर्वाचनलाई निष्पक्ष बनाउन भुमिका खेल्न समेत सुझाव दिए । उप प्रमुख न्यौपानेले आगामी आर्थिक वर्षमा पत्रकार, पत्र पत्रिकालाई सहयोगका लागि महासंघ र पत्रकार बीच छलफल गरि रकम बिनियोजन गरिने प्रतिबद्धता जनाए ।
कार्यक्रममा पत्रकार महासंघ प्रदेश उपाध्यक्ष लवदेव ढुंगाना, जिल्ला अध्यक्ष गिरिराज बाँस्कोटा, पुर्व सभापति कृष्ण ओझा, पत्रकार विपेन्द्र गौतम ले शुभकामना व्यक्त गरेका थिए । कार्यक्रम प्रकासक गणेश साम्पाङको अध्यक्षतामा सम्पन्न भएको थियो । कार्यक्रमलाई पत्रकार शान्तीदेवी राईले सञ्चालन गरेकी थिइन् ।
