इलाम : इलामको बिब्ल्याटेमा कार्यरत प्रहरी सहायक हवलदार दिनेश भट्टराई साउन महिनाको उत्कृष्ट ट्राफिक प्रहरी घोषित भएका छन् । विभागीय नीति निर्देशन बमोजिम व्यवसायिक ढंगले डयुटीमा खटिएको भन्दै प्रदेश ट्राफिक प्रहरी कार्यालयले उत्कृष्ट घोषित गरेको हो ।
ट्राफिक व्यवस्थापन मिलाउने क्रममा यत्रतत्र पार्किङ गरी राखिएको सवारी साधनलाई व्यवस्थित गर्ने कार्यमा निरन्तर सक्रियता देखाएको, सवारी दुर्घटना, ट्राफिक व्यवस्थापनका लागि सचेतनामुलक कार्यक्रम संचालन गरी नागरिकसंग समन्वय र अन्तरक्रिया गरेको जनाइएको छ ।
कार्यालय प्रमुख प्रहरी उपरिक्षक श्यामकुमार महतोले जारी गरेको सम्मानपत्रमा सेवाग्राही प्रति मुस्कान सहितको सेवा प्रदान गरी नागरिकहरुलाई प्रहरीलाई हेर्ने दृष्टिकोण सकारात्मक सोचको विकास गराउने कार्य गरेको जनाइएको छ ।
