इलाम : नेपाल प्रहरी कार्यदक्षता मुल्याङकन (Police Baton) २०७९ बमोजिम जिल्ला प्रहरी कार्यालय इलामको निरीक्षण अवलोकन सम्पन्न भएको छ । प्रहरी प्रधान कार्यालयबाट प्रहरी अतिरिक्त महानिरीक्षक उत्तम राज सुवेदीको नेतृत्वमा जिल्ला प्रहरी कार्यालय इलाम आएका प्रहरी अधिकृत सहितको केन्द्रिय मुल्याङकन टोलीले कार्यालय तथा सम्पुर्ण शाखाहरुको निरीक्षण अवलोकन गरेको हो । निरीक्षणकै क्रममा प्रहरी अतिरिक्त महानिरीक्षक सुवेदीले जिल्लामा कार्यरत प्रहरी अधिकृत तथा प्रहरी कर्मचारीलाई आवश्यक निर्देशन समेत दिनु भएको जिल्ला प्रहरी कार्यालय इलामले जनाएको छ ।
