लोकसेवा टिप्स : घोक्ने भन्दा पनि विधिहरू सिक्नुपर्छ

  • निजामती सेवाका लागि लोक सेवाले लिने परीक्षा उत्तिर्ण गर्न सहज छैन । विद्यालय वा विश्वविद्यालयस्तरको मिहिनेतले लोक सेवाको परीक्षामा सफल हुन सकिँदैन । तसर्थ लोक सेवाको परीक्षामा सहभागी हुँदा अध्ययनमा नयाँ शैली र उपाय अपनाउनु जरुरी हुन्छ ।
  • विविध विधाबाट अनेकौं प्रश्नहरू सोधिने भएकाले अध्ययनको दायरालाई फराकिलो बनाउनुपर्छ । सोही अनुसारका अध्ययन सामग्रीको जोहो गर्नु आवश्यक हुन्छ ।
  • पढेका विषयमा निश्चिन्त हुनुपर्छ । खासगरी वस्तुगत प्रश्नहरूमा उस्तै – उस्तै लाग्ने उत्तरका धेरै विकल्प हुने भएकाले पढ्दा दोधार नहुने गरी निश्चित हुनुपर्छ ।
  • उत्तर दिँदा सृजनात्मक र मौलिक विधि अपनाउनुपर्छ । धेरै लामो लेखेर समय खेर फाल्नेभन्दा प्रश्नले मागेअनुसारको छोटो उत्तर दिनुपर्छ ।
  • अधिकांशको बानी पुस्तक मज्जाले घोक्ने हुन्छ । र, त्यही घोकेका आधारमा प्रश्नपत्रको हल गर्छन् । आफूले घोकेको प्रश्न परीक्षामा आए त ठिकै होला, तर अर्कै आयो भने प्रश्नै छाड्नुपर्ने हुन्छ । यसको समाधानका लागि घोक्नेभन्दा पनि विधिहरू सिक्न जरुरी हुन्छ । यो भनेको माछा मार्नेभन्दा माछा मार्ने विधि सिकाएजस्तो ।
  • आफूलाई जस्तोसुकै प्रश्नका लागि पनि तयार राख्नुपर्छ । यस्तो आउँछ/यस्तो आउँदैन भनेर अध्ययन गरियो भने परिणाम अनपेक्षित पनि आउनसक्छ ।

तपाईको प्रतिक्रिया

सम्बन्धित समाचार