तेह्रथुम २८ भाद्र
ज्योति लाईफ इन्स्योरेन्स कम्पनीले तेह्रथुममा आफ्ना बीमितको निधनपछि परिवारलाई बीमा वापतको दाबी भुक्तानी दिएको छ । सवारी दुर्घटनाका कारण ज्यान गुमाएका म्याङलुङ नगरपालिका–२ निवासी यमबहादुर लिम्बुको छोरालाई कम्पनीले मृत्यु दाबी भुक्तानी रकम सोमबार हस्तान्तरण गरेको हो ।
कम्पनीको तेह्रथुम उपशाखाले एक औपारिक कार्याक्रमको आयोजना गरि मृतकका छोरा सेन्छेहाङ लिम्बुलाई रु.१० लाखको चेक म्याङलुङ नगरपालिकाका प्रमुख संजयकुमार तुम्बाहाङफेले हस्तान्तरण गर्नुृभएको हो ।
ज्योति लाईफको सुरक्षित बचत जीवन विमा योजना अन्तर्गतको बीमालेख लिएका यमबहादुर लिम्बुको गत साउन २ गते सवारी दुर्घटनाका कारण मृत्यु भएको थियो । लिम्बुले रु.५ लाखको विमा गरेर कम्पनीमा २ किस्ता बुझाएका थिए । दुर्घटना विमा अन्र्तगत विमाङकको दोब्बर १० लाख र ५० हजार बोनस पिडित परिवारलाई प्रदान गरिएको ज्योती लाईफ कम्पनी तेह्रथुमका उप–शाखा प्रमूख ठाकुर सेनेहाङले जानकारी दिनुभयो ।
चेक हस्तान्तरण गर्दै नगर प्रमुख तुम्बाहाङफेले विमाले मृत्यु बाट फर्काउन नसके पनि मृतक परिवारलाई राहत दिने बिचार व्यक्त गर्नुभयो । कार्यक्रममा उहाले अन्य विमा कम्पनीहरु भन्दा ज्योती लाईफ आफुलाई मन पर्ने र यहि ईन्स्योरेन्स संग सहकार्य गर्न अन्यलाई आग्रह पनि गर्नुभयो ।मृत्यू दावी भुक्तानी कार्यक्रममा नगर प्रमुख , म्याङलुङ नगरपालिका १ नं.वडाध्यक्ष,२ नं.वडाध्यक्ष,पत्रकार,समाजसेवी तथा स्थानीयबासीको सहभागिता रहेको थियो ।