कोरोना नियन्त्रण गर्न ७३ जिल्लामा निषेधाज्ञा

  नयाँ बुलन्द  77 पटक हेरिएको


कोरोना नियन्त्रण गर्न ७३ जिल्लामा निषेधाज्ञा

काठमाडौं । कोरोना संक्रमण बढ्दै गएपछि देशका ७३ जिल्लामा निषेधाज्ञा लगाइएको छ । गृह मन्त्रालयका अनुसार खोटाङ, तेह्रथुम, पूर्वी रुकुम र मनाङबाहेक सबै जिल्लामा निषेधाज्ञा जारी भएको छ ।

यसअघि जारी गरिएका निषेधाज्ञा लम्बिदै गएका छन् भने थप कडाई पनि गरिएको छ । सल्यान, गोरखा, बाजुरा, मकवानपुर, धनुषा, काभ्रे, झापालगायत जिल्लामा फेरि निषेधाज्ञाको समय थप गरिएको हो ।

सल्यान र गोरखामा जेठ १५ गतेसम्म निषेधाज्ञा लम्ब्याईएको सम्बन्धित जिल्ला प्रशासन कार्यालयहरूले जनाएका छन् ।

यस्तै बाजुरामा जारी निषेधाज्ञालाई जेठ ७ गते राति १२ बजेसम्म पु¥याईएको छ । मकवानपुरमा पनि निषेधाज्ञा थप गर्दै जेठ १३ गतेसम्म पु¥याइएको छ । साथै प्रदेश नम्बर २ को धनुषामा १० दिन निषेधाज्ञा थप गरिएको छ ।

वैशाख ३१ गते राति १२ बजेदेखि जेठ १० गते राति १२ बजेसम्मको लागि जिल्ला प्रशासन कार्यालय धनुषाले निषेधाज्ञा थप गरेको हो ।

उता, झापामा पनि निषेधाज्ञा थपेर जेठ ७ गतेसम्म पु¥याईएको छ ।

तपाईको प्रतिक्रिया

सम्बन्धित समाचार