इलाम : इलामको माई नगरपालिका वडा नम्वर– ७ ठेवा खोला को दोभान मा एक युवाको दहमा डुवेर मृत्यु भएको छ । मृत्यु हुनेमा माई–७ ( साबिक महमाई ) ठेवा टावरका २० बर्षिय जीतेन लिम्बू रहेका छन ।
बुधवार राति २ बजे घरबाट हिडेका जितेन आज विहान ७ बजे घरभन्दा ५ सय मिटर पुर्ब ठेवा खोला दोभान माई खोला दहमा मृत फेला परेको भेटिएको वडाध्यक्ष राम प्रसाद सदेम्वाले जानकारी दिए ।
विहान दहमा घोप्टो परेको अवस्थामा मृतफेला परेका लिम्बुलाई पोष्टमार्टमका लागि इलाम जिल्ला अस्पताल लगिएको महमाई प्रहरी चौकीका प्रहरी हल्दार लाखमान लिम्बुले जानकारी दिए ।
