इलाम : इलाम नगरपालिका वडा नं ७ निवासी समाजसेवी प्रमिला खडकाद्धारा आफ्नो ४५ औं बर्षको जन्मदिनको अवसर पारेर बृद्ध बृद्धालाई पोषिलो खाद्यन्न हस्तान्तरण गरेकी छन् ।
इलाम नपा १० स्थित माइभगवती बृद्धाआश्रममा पुगेर समाजसेवी खड्काले परिवारका सदस्यहरुसहित पोषणयुक्त हर्लिकक्स साथै फलफुल समाग्री हस्तान्तरण गरेकी हुन् ।
आजभोली जन्मदिन ठुलो धनराशि फजुल खर्च गरी मनाइने प्रचलनलाई चुनौति दिंदै खड्काले दुःखमा परेका र समुदायबाट बहिस्कार भएका पीडित बृद्धबृद्धाहरुलाइ आफनै आमाबुबा सम्झेर बितरण गरेको प्रतिक्रिया दिइन ।
उनले सबै मिलेर आफुले सकेको सामाजिक कार्य गर्नसके समाज परिवर्तन गर्न कठिन नहुने बताइन ।
आफना श्रीमान नेपाली काग्रेसका युवा नेता डम्बर खडकाको प्रेरणा र हौसलाले गर्दापनि समाजसेवामा सक्रिय भएको बताउदै उनले गरीब र दिनदुखीलाई सहयोग गर्नु मानव धर्म हो भनिन ।
उनले श्रीमानलाई समाजसेवा गर्न प्रेरित गर्दै आएको पनि प्रतिक्रिया दिइन । नेता खडकाले पनि आफ्नो जन्मदिनको अवसरमा जोगमाइ निवासी रक्त क्यान्सर पीडित गरीब एक बालकलाइ अस्पताल पुगेर रु ३१००० सहयोग गरेका थिए ।
