लोकसेवा तयारी सामग्री (वस्तुगत प्रश्नोत्तर)

  नयाँ बुलन्द  147 पटक हेरिएको

१. अन्तर्राष्ट्रिय क्रिकेट काउन्सिल (आईसीसी)ले महिला टी–२० विश्वकप क्रिकेट प्रतियोगिता कहिले तय गरेको छ ?
 सन् २०२३ फेब्रुअरी ९–२६, दक्षिण अफ्रिका ।
– आईसीसीले महिला टी–२० विश्वकप क्रिकेट प्रतियोगिता एक वर्ष पछि सारेको । ‘कमन वेल्थ गेम’का कारण देखाउँदै आईसीसीले निर्धारित तालिकाभन्दा एक वर्ष पछाडि टी–२० विश्वकप आयोजना हुने जनाएको । सन् २०२२ को नोभेम्बरमा दक्षिण अफ्रिकामा प्रतियोगिता हुने तय भएको थियो ।
– सन् २०२२ मा कमन वेल्थ गेम बेलायतमा हुने भएको । यसपटकको कमन वेल्थ गेममा क्रिकेट पनि समावेश गरिएको । कमन वेल्थ गेममा सहभागी भएका खेलाडीले विश्वकपको तयारी गर्न समय अभाव हुने र प्रतियोगिताको तयारी गर्न नै मिति परिवर्तन गरिएको आईसीसीले जनाएको ।
– यदि कोरोना भाइरस महामारीका रूपमा नफैलिएको भए २०२२ मा आईसीसीले तीन प्रमुख प्रतियोगिता आयोजना गर्ने थियो ।
– यसअघि आईसीसीले २०२१ को जनवरीदेखि फेब्रुअरीसम्म न्युजिल्यान्डमा हुने महिला एकदिवसीय विश्वकप क्रिकेट प्रतियोगिता स्थगित गरेको थियो । कोरोना भाइरसका कारण स्थगित भएको महिला एकदिवसीय विश्वकप २०२२ मै न्युजिल्यान्डमा हुने आईसीसीले जनाएको ।

२. युरोपियन माइक्रो फाइनान्स अवार्ड–२०२० बाट सम्मानित नेपालको वित्तीय संस्था कुन हो ?
 मुक्तिनाथ विकास बैङ्क ।
– लक्जेम्वर्गमा आयोजित कार्यक्रममासाना तथा लघु बैङ्किङ कार्यक्रममा आबद्ध न्यून आय भएका सदस्यलाई प्रदान गरिरहेको नवीनतम र ग्राहकमैत्री समावेशी बचत सेवाहरूको प्रभावकारिता र त्यसले सदस्यको जीवनमा पारेको सकारात्मक परिवर्तनका कारण बैङ्क सम्मानित भएको जनाइएको ।
– उक्त अवार्डका लागि ३७ राष्ट्रबाट ७० वटा संस्थाले सहभागिता जनाएका ।
– पुरस्कारबापत बैङ्कले एक लाख युरो प्राप्त गरेको ।

३. विश्व रग्वी सङ्घले नेपाल रग्वी सङ्घलाई एसोसिएट सदस्यको मान्यता कहिले प्रदान गरेको हो ?
 सन् २०२० नोभेम्बर १८ ।
(सन् २०१८ मा नेपाल रग्वीले एसिया रग्वी महासङ्घको पूरक सदस्यता प्राप्त गरेको थियो ।)

४. चीन र भारतबीचको विवादास्पद सीमाक्षेत्रमा घातक माइक्रो वेब हतियार प्रयोग गर्ने राष्ट्र कुन हो ?
 चीन (सन् २०२० नोभेम्बर) ।

५. २०७७ मङ्सिरमा मनाइएको नवौँ राष्ट्रिय कर दिवसको नारा के हो ?
 स्वच्छ, पारदर्शी र प्रविधिमैत्री कर प्रशासन / विकास, समृद्धि र सुशासन ।
– आर्थिक वर्ष २०७५/०७६ मा सरकारलाई सबैभन्दा बढी कर तिर्ने करदाता कम्पनी सूर्य नेपाल बनेको । व्यक्तिगततर्फ सबैभन्दा बढी आयकर तिर्ने करदाता जावलाखेल ग्रुप अफ इन्डस्ट्रिजका अध्यक्ष विजयबहादुर शाह बन्नुभएको । विभागले हरेक वर्ष राष्ट्रिय कर दिवसको अवसरमा १ मङ्सिरमा उत्कृष्ट करदाताको नाम सार्वजनिक गरी सम्मान गर्दै आएकोमा यस वर्ष भने १ मङ्सिरमा सार्वजनिक बिदा (भाइटीका) परेका कारण सो दिन उत्कृष्ट करदाताको नाम सार्वजनिक नगरी अन्य दिन गरिएको थियो ।
उत्कृष्ट करदाताहरू
– धेरै आयकर तिर्ने करदाता : सूर्य नेपाल
– धेरै आयकर तिर्ने करदाता (व्यक्तिगततर्फ) : विजयबहादुर शाह
– रेमिट्यान्सतर्फ : आईएमई लिमिटेड
– व्यापार व्यवसायतर्फ : अग्नि इन्कर्पोरेटेड
– निर्याततर्फ : डाबर नेपाल
– कृषि तथा पशुपक्षी उद्योगतर्फ :अन्नपूर्ण एग्रोभेट
– सहकारी तथा लघुवित्ततर्फ : छिमेक लघुवित्त
– बैङ्कतर्फ : नबिल बैङ्क लि.
– बीमातर्फ : नेपाल पुनर्बीमा कम्पनी
– शिक्षण सेवातर्फ : मणिपाल मेडिकल कलेज
– पर्यटन व्यवसायतर्फः तारा गाउँ रिजेन्सी
– मध्यमस्तरीय करदातामध्ये : कामना सेवा विकास बैङ्क
– मूल्य अभिवृद्धि कर (भ्याट)तर्फ : घोराही सिमेन्ट
– आन्तरिक राजस्व कार्यालयहरूको कार्यक्षेत्रभित्रबाट सबैभन्दा बढी आयकर तिर्ने करदाता / भीएफ सर्भिसेज

६. सन् २०२० मा संयुक्त अरब इमिरेट्समा सम्पन्न १३औँ आईपीएलको उपाधि जित्न सफल टिम कुन हो ?
 मुम्बई इन्डियन्स ।
– दिल्ली क्यापिटल्सलाई पाँच विकेटले हराउँदै मुम्बई इन्डियन्स १३औँ संस्करणको च्याम्पियन बनेको ।
– विशेषतः भारतमा हुने आईपीएल यसपटक कोरोना भाइरसका कारण संयुक्त अरब इमिरेट्समा भएको । कोरोना महामारीकै कारण गत मार्च र अप्रिलमा नै हुनुपर्ने आईपीएल लामो समयपछि अक्टोबर र नोभेम्बरमा सम्पन्न भएकोे ।

७. ७५३ वटै स्थानीय तहमा रोजगार सेवाकेन्द्र स्थापना गर्ने निर्णय कहिले भएको हो ?
 विक्रम संवत् २०७५ मङ्सिर ३ ।

८. प्लास्टिक तथा प्लास्टिकजन्य सामग्रीको प्रयोग बन्द गर्ने उद्देश्यका साथ ‘हिमालदेखि तराईसम्म प्लास्टिकरहित समाज निर्माण अभियान’ रारा तालबाट कहिले सुरुवात भएको हो ?
 विसं २०७५ मङ्सिर २६ ।
९. नेपालमा वाटर एटीएमको सुरुवात कहिले र कहाँबाट भएको हो ?
 विसं २०७५ फागुन २१, ललितपुर ।

१०. तथ्याङ्कको सूचनामा एकद्वार प्रणाली लागू गर्ने उद्देश्यले केन्द्रीय तथ्याङ्क विभागद्वारा सुरु गरिएको वेबसाइट कुन हो ?
 लबतष्यलबमिबतब।नयख।लउ (२०७५ वैशाख १५ देखि) ।

११. काठमाडौँ महानगरपालिकामा स्मार्ट पार्किङ सेवाको सुरुवात कहिलेदेखि भएको हो ?
 विसं २०७६ असार १ ।

१२. नेपालको पहिलो भू–उपग्रह नेपाल स्याट‐१ ले कहिलेबाट पृथ्वीको परिक्रमा गर्न थालेको हो ?
 विसं २०७६ असार २ (२०१९ जुन १७) ।

१३. अन्तर्राष्ट्रिय विकास सहायता परिचालन नीति कार्यान्वयन समितिको अध्यक्ष को हुने प्रावधान छ ?
 अर्थमन्त्री ।

१४. काभ्रेपलाञ्चोकपछि कुन जिल्लालाई दूधमा आत्मनिर्भर बनाउने घोषणा गरिएको हो ?
 चितवन ।

१५. प्रदेश नं. २ मा हरित् प्रदेश अभियानको शुभारम्भ कहिले गरिएको हो ?
 विसं २०७६ भदौ ७ ।

१६. भीमसेन स्तम्भ अर्थात् धरहराको पुरानो नाम के हो ?
 मिनार ।

१७. पूर्वको कञ्चनजङ्घादेखि पश्चिम धौलागिरि हिमालसम्मको दृश्यावलोकन गर्न सकिने पीकेडाँडा अर्थात् लुकेको हीरा अवस्थित जिल्ला कुन हो ?
 सोलुखुम्बु ।

१८. सन् २०३० सम्म नेपालमा कुपोषणको दरलाई कति प्रतिशतमा झार्ने लक्ष्य लिइएको छ ?
 १४ प्रतिशत (सन् २०२५ सम्म : २४ प्रतिशत) ।

१९. अमेरिकी तल्लो सदन ‘हाउस अफ रिप्रिजेन्टेटिभ्स’मा बहुमत प्राप्त गरेको डेमाक्रेटिक पार्टीले सभामुखमा कसलाई चयन गरेको छ ?
 नान्सी पेलोसी ।
(वर्तमान सभामुख नान्सी पेलोसीलाई नै अर्को दुई वर्षका लागि सभामुखमा चयन गरेको । आगामी जनवरीमा सदस्यमा सभामुखका लागि मतदान हुने साथै हाउसमा डेमेक्रेट्सको बहुमत रहेकाले पेलोसी विजयी हुने निश्चित रहेको ।)

२०. अमेरिकाको फ्लोरिडामा आयोजित रेमटेक अवार्ड्स २०२० मा पपुलरिटी अवार्ड जित्न सफल नेपाली कम्पनी कुन हो ?
 सिटी एक्सप्रेस मनी ट्रान्सफर ।
(कम्पनीले संसारभरका ३१ प्रतिस्पर्धीलाई पछाडि पार्दै अवार्ड हात पारेको ।)

२१. सगरमाथा हेर्ने बार्दली भनी चिनिने स्थान कुन हो ?
 पत्तालेडाँडा (सोलुखुम्बु र ओखलढुङ्गाको सीमा) ।

२२. स्वतन्त्र भारतका पहिलो गभर्नर को हुन् ?
 लर्ड माउन्टवेटन ।

२३. राष्ट्रिय परिचयपत्र प्राप्त गर्नका लागि आवश्यक उमेर कति निर्धारण गरिएको छ ?
 १६ वर्ष ।

२४. मानव मुटु प्रत्यारोपण गर्ने पहिलो चिकित्सक को हुन् ?
 डा. क्रिश्चियन बर्नार्ड (दक्षिण अफ्रिका) ।

२५. पूर्वको ग्रेट ब्रिटेन भनी जापानलाई चिनिन्छ भने दक्षिणको ग्रेट ब्रिटेन भनी कुन देशलाई चिनिन्छ ?
 न्युजिल्यान्ड ।

२६. वायुमण्डल नभएको ग्रह भनेर बुध ग्रहलाई चिनिन्छ भने ‘म्याग्नेटिक फिल्ड’ नभएको ग्रह भनेर कुन ग्रहलाई चिनिन्छ ?
 शुक्र ।

२७. पहिलो अन्तरीक्ष केन्द्र कुन हो ?
 स्यालुट (रूसद्वारा स्थापित) ।

२८. मानवनिर्मित पहिलो उपग्रह कुन हो ?
 स्पुतानिक–१ ।

२९. नेपालको संविधान–२०७२ अनुसार राष्ट्रभाषा भन्नाले के बुझिन्छ ?
 नेपालमा बोलिने सबै मातृभाषाहरू ।

३०. नेपाल सरकारद्वारा ‘हेलो स्वास्थ्य’ कार्यक्रम कहिलेदेखि सुरु गरिएको हो ?
 विसं २०६९ कात्तिक २९ ।

तपाईको प्रतिक्रिया

सम्बन्धित समाचार