‘जसपा’ को विविध एजेन्डा सहितको बैठक शुरु

  नयाँ बुलन्द  100 पटक हेरिएको

 

काठमाडौं: जनता समाजवादी पार्टी (जसपा)को केन्द्रीय कार्यकारिणी समितिको बैठक सोमबार सुरु भएको छ ।

दुईदिनसम्म चल्ने बैठकमा विधान संशोधन, नियमावली निर्माण, केन्द्रीय समिति विस्तार तथा कार्यविभाजन, कार्यकारिणी समिति सदस्यको कार्यविभाजन, संघीय परिषद् गठन, समायोजन र अन्य एजेन्डा तय गरिएको छ ।

तत्कालीन राष्ट्रिय जनता पार्टी र समाजवादी पार्टीबीच एकीकरण भएपछि यो दोस्रो कार्यकारिणी समितिको बैठक हो । यसअघि, गएको साउन २१ देखि २४ गतेसम्म बैठक बसेको थियो ।

गएको वैशाख १० गते राजपा र समाजवादी पार्टीबीच एकीकरण भएर जनता समाजवादी गठन भएको थियो ।

एकता भएको लामो समय बितिसक्दा पनि समायोजन र कार्यविभाजनलगायतका कामहरुले पूर्णता पाउन सकेको छैन । जसपाको केन्द्रीय कार्यकारिणी समिति ५१ सदस्यीय छ ।

तपाईको प्रतिक्रिया

सम्बन्धित समाचार