नामसालिङ : इलामको माइजोगमाई गाउपालिका वडा नम्बर ३ नासालिङमा रणनितिक योजना तर्जुमा सम्बन्धी २ दिने गोष्ठी विहीबारबाट सुरु भएको छ ।
नमुना विद्यालय अन्तरगत कसरी काम गर्ने, नमुना विद्यालयको योजनाहरु कसरी बनाउँदा राम्रो र प्रभावकारी हुन्छ भन्ने जानकारी दिन कार्यक्रमको आयोजना गरिएको हो ।
नामसालिङ माध्यमिक विद्यालयको आयोजनामा भएको कार्यक्रममा नामसालिङ सामुदायिक विकास केन्द्रका प्रतिनिधि हिरा काजी र विनोद निरौलाले सहजीकरण गरिरहेका छन् ।
कार्यक्रम नामसालिङ माध्यमिक विद्यालय व्यवस्थापन समितिका अध्यक्ष यज्ञश्वर ढुङ्गानाको अध्यक्षतामा भएको थियो ।
