इलाम : इलामका थप चार जनामा कोरोना भाइरसको संक्रमण पुष्टि भएको छ । जिल्लाकाे सन्दकपुर गाउँपालिका ४ माबुका तीन जना र सन्दकपुर ३ सुलुुबुङ्गका एक जनामा भाइरस संक्रमण पुष्टि भएकाे बताइएको छ । यस अघि देखिएका संक्रमितको कन्टयाक ट्रेसिङ्गका आधारमा एक सय २७ जनाको स्वाब परिक्षण गर्दा चार जनामा कोरोनाको संक्रमण पुष्टि भएको हो ।
सन्दकपुर यस अघि वडा सदस्य सहित चार जनामा कोरोना संक्रमण देखिएको थियो । पञ्चकन्या हाइड्रो पावरमा आएर फर्किएका कर्मचारीमा कोरोना संक्रमण देखिएपछि उनीहरुको कन्टयाक ट्रेसिङ्गमा भएकाहरुको स्वाब परिक्षण गर्दा कोरोना संक्रमण देखिएको थियो । त्यस यता सन्दकपुर गाउँपालिकाले लकडाउनको घोषणा गरेको छ ।
