इलाम : बिहीबार स्वास्थ्य परीक्षणका लागि इलाम अस्पताल ल्याउने क्रममा अस्पतालको कम्पाउण्डबाट हतकडी खुस्काई भागेका अभियुक्त किरन त्रिखत्री पक्राउ परेका छन् ।
फरार रहेका त्रिखत्री शुक्रबार साँझ ७ बजे इलाम नगरपालिका १ पुवाखोलाबाट पक्राउ परेका हुन् । खोजतलासका क्रममा लुकिछिपि बसेको अवस्थामा पक्राउ गरिएको जिल्ला प्रहरी कार्यालय इलामले जनाएको छ ।
पाँचथर कुम्याक गाँउपालिका १ स्थाई ठेगाना भई हाल इलाम सुर्योदय नगरपालिका १० फिक्कल डेरा गरी बस्ने ३३ वर्षीय त्रिखत्री सार्वजनिक नैतिकता बिरुद्धको कसुर अन्तर्गत (अभद्र व्यवहार गर्न नहुने) मुद्दामा दुई दिन अघि मात्र पक्राउ परेका थिए ।
म्याद थप गर्न स्वास्थ्य परीक्षणका लागि उनलाई इलाम अस्पताल ल्याउने क्रममा अस्पताल कम्पाउण्डबाटै भागेका थिए ।
