रसुवा : रसुवा जिल्लामा एकजना महिलामा ‘कोरोनाभाइरस’को संक्रमण भएको पुष्टि भएको छ ।
जिल्ला अस्पताल रसुवाले चीनको केरुङबाट फर्किएकी एक महिलामा कोरोनाभाइरस संक्रमण भएको पुष्टि गरेको हो ।
माघ पहिलो साता केरुङबाट फर्किएकी २४ वर्षीया ती महिलाको अहिले जिल्ला अस्पतालमा उपचार भइरहेको पनि अस्पतालले जनाएको छ ।
केरुङबाट फर्किएकी महिला बिरामी परेपछि गाउँमा झारफुक र धामी–झाँक्री गर्दा निको नभएपछि अस्पताल ल्याइएकोमा कोरोनाभाइरस संक्रमण भएको पाइएको जिल्ला अस्पतालका मेडिकल सुपरिटेन्डेन्ट डा. अनिलकुमार खरेलले जानकारी दिएका छन् ।
रसुवागढी नाकाबाट अहिले आवत–जावत बन्द गरिएको छ ।
