चुलाचुली : इलामको चुलाचुली गाउँपालिकामा चुलाचुली अध्यक्ष कप लिग फुटबल प्रतियोगिता -२०७६ सुरु भएको छ । व्
विहीबार भएको उदघाटन खेलमा वडा नम्बर २ फूटबल टिमले अग्रता लिइएको छ । वडा नम्बर ४ लाई ३-० गोल अन्तरले पराजित गर्दै वडा नम्बर २ विजेता बन्यो ।
पहिलो हाफसम्म बराबर खेलेको वडा नम्बर २ ले दोस्रो हाफको सुरुआतमै अग्रता बनाउन सफल बन्यो । विकास लिम्बूले ४९ औं मिनेटमा गोल गरी अग्रता दिलाएका थिए ।
दोस्रो गोल वडा नम्बर २ ले आत्माघातीको उपहार पाएको थियो । ५३ औं वडा नम्बर ४ का सुनिल राईबाट आत्माघाती भएको थियो ।
पुन ५७ औं मिनेटमा गोल गर्दै वडा नम्बर २ का विकास लिम्बूले गोल गरी ३-० को जित निश्चित दिलाएका थिए ।
खेल रोचक बनिरहँदा वडा नम्बर ४ का किपर सुमनदासले आफूलाई जोखिम उठाउँदै प्रतिस्पर्धी खेलाडीहरूको प्रहारलाई निकै पटक बचाउन सफल भएको थियो ।
प्रतियोगिता अन्तरगत शुक्रबार वडा नम्बर १ र वडा नम्बर ३ बीच खेल हुनेछ ।
चुलाचुली गाउँपालिकाको प्रायोजन तथा चुलाचुली खेलकुद समितिको आयोजनामा सुरु भएको प्रतियोगिताका प्रथमले ५० हजार र दोस्रोले ३० हजार साथै ट्रफ्री, मेडल र प्रमाणपत्र पाउनेछन् ।
प्रतियोगिताको उद्घाटन प्रमुख अतिथि चुलाचुली गाउँपालिका अध्यक्ष प्रदिपचन्द्र राईले गरेका थिए । कार्यक्रम चुलाचुली खेलकुद समितिका अध्यक्ष रामप्रसाद राईको अध्यक्षतामा भएको थियो ।
