माङसेबुङ : इलामको माङसेबुङ गाउँपालिका ३ सिङलाबुका मिर्गौला पीडित आशिष सुनुवारलाई ३ लाख ८९ हजार ५ सय ५५ रुपैयाँ सहयोग गरिएको छ ।
पाथीभरा मिडिया ग्रुप प्रवास नेपालले एक कार्यक्रम आयोजना गरी मिर्गौला पीडित आशिष सुनुवार बचाउ अभियानलाई सो रकम हस्तान्तरण गरेको हो ।
माङसेबुङ ५ स्थित रेडियो माङसेबुङको सभाहलमा आयोजित कार्यक्रममा प्रमुख अतिथि माङसेबुङ-५ का वडा अध्यक्ष नरेन्द्रकुमार राईको हस्तबाहुलीबाट रकम हस्तान्तरण गरिएको हो ।
रकम मिर्गौला पीडित आशिष सुनुवार बचाउ अभियानका अनिस सुनुवारलाई हस्तान्तरण गरिएको थियो । यस्तै सनारुङ क्लबले पनि ५ हजार ५ सय ५५ रुपैयाँ प्रदान गरेको छ ।
कार्यक्रममा माङ्गेन्ना सेवा समितिका अध्यक्ष केहेरसिङ योङ्हाङ, आत्मानन्द सेइङ् बहुमुखी क्याम्पसका प्रमुख होम लिङ्देन, समाजवादी पार्टी नेपालका अध्यक्ष किसन खजुम, जुनु माखिमलगायतले स्वास्थ्य लाभको कामना मन्तव्य राखेका थिए ।
