कैलाली : कैलालीको गोदावरी नगरपालिका–९, बल्मीमा सोमबार साँझ मिनिट्रक र मोटरसाइकल एकापसमा ठोक्किँदा मोटरसाइकलमा सवार दुईजनाको मृत्यु भएको छ ।
मृत्यु हुनेमा डडेल्धुराको नवदुर्गा गाउँपालिका–४ का अन्दाजी ५५ वर्षीय वीरबहादुर रावल र सोही स्थान घर भइ हाल कन्चनपुरको कृष्णपुर नगरपालिका–४ बस्दै आएका ५० वर्षीय तेजबहादुर रावल रहेका छन् ।
पूर्वबाट पश्चिमतर्फ जाँदै गरेको से३प ९४२९ नम्बरको मोटरसाइकल र पश्चिमबाट पूर्वतर्फ जाँदै गरेको भे१ख १४१४ नम्बरको मिनिट्रक आपसमा ठोक्किँदा उनीहरु गम्भीर घाइते भएका थिए ।
उपचारकाक्रममा सेती अञ्चल अस्पताल धनगढीमा उनीहरुको मृत्यु भएको प्रहरीले जनाएको छ ।
सो मिनिट्रक र त्यसका चालक बाँकेको बैजनाथ गाँउपालिका–१ का २९ वर्षीय मानबहादुर ओलीलाई प्रहरीले नियन्त्रणमा लिएको छ ।
