कपिलवस्तु : विजयनगर–कृष्णनगर सडकखण्डको आरटिओ रोडमा ट्याक्टर र मोटरसाइकल आपसमा ठोक्किँदा एकजनाको मृत्यु भएको छ ।
उत्तरबाट दक्षिणतर्फ जाँदै गरेको लु१९प ५७१४ नम्बरको मोटरसाइकल विपरित दिशाबाट आउँदै गरेको लु१त ७९३६ नम्बरको ट्याक्टरमा ठोक्किँदा मोटरसाइकल चालक राधेश्याम कोहारको मृत्यु भएको हो ।
बुद्धभूमि नगरपालिका–७ मानपुर बस्ने ३५ वर्षीय कोहारको बहादुरगन्जमा रहेको शिवराज अस्पतालमा उपचारको क्रममा मृत्यु भएको हो ।
मोटरसाइकलमा सवार विजयनगर–५ बघमरी बस्ने मुन्नु यादव घाइते छन् । उनको भैरहवा मेडिकल अस्पतालमा उपचार भइरहेको जनाइएको छ ।
दुर्घटनामा संलग्न ट्याक्टर प्रहरीको नियन्त्रणमा छ भने चालक फरार रहेको प्रहरीले जनाएको छ ।
प्रहरीका अनुसार आइतबार साँझ साढे ७ बजे दुर्घटना भएको हो ।
