इलाम : इलाममा पहिलोपटक तीन दिने विज्ञान लेखन तालिम सम्पन्न भएको छ । इलामका पत्रकारहरुलाई विज्ञान क्षेत्रको समाचार लेखनमा दक्ष बनाउने उद्देश्यले तालिमको आयोजना भएको थियोे ।
नेपाल विज्ञान तथा प्रविधि प्रज्ञा प्रतिष्ठान (नास्ट) खुमलटार ललितपुरको आयोजनामा भएको तालिममा इलामका २५ जना पत्रकारहरुको सहभागीता रहेको थियो । तालिमका सहभागीहरुलाई विज्ञान पत्रकार लक्ष्मण डंगोल र पत्रकार तथा लेखक केदार शर्माले सहजीकरण गरेका थिए ।
सदरमुकामस्थित ग्रीनभ्यू होटलको हलमा भएको तालिम विहीबारसम्म संचालन भएको थियो ।
