काठमाडौं : नेपाली कांग्रेसका सभापति शेरबहादुर देउवाले सरकार अधिनायकवादतर्फ उन्मुख भएको आरोप लगाएका छन् ।
नेपाल ट्रेड युनियन कांग्रेसको ७३औं स्थापना दिवसको अवसरमा मंगलबार काठमाडौंमा आयोजित कार्यक्रममा उनले सरकारले प्रेस स्वतन्त्रता पनि खुम्च्याउन खोजेको आरोप लगाए ।
कांग्रेस कार्यकर्तालाई आवश्यक परेको खन्डमा सरकारविरुद्ध सशक्त आन्दोलनका लागि तयार रहन निर्देशन दिँदै सभापति देउवाले पार्टीभित्रको गुटले सिंगो पार्टीलाई बेफाइदा गरेको गुनासो गरे ।
कार्यक्रममा कांग्रेस महामन्त्री डा. शशांक कोइरालाले गुट–उपगुटले कांग्रेसलाई कमजोर बनाएको भन्दै त्यसको अन्त्यका लागि पार्टी सभापति देउवालाई आग्रह गरे ।
