इलाम : इलामको रोङ गाउपालिका ४ मा पहरी गाउ सञ्चालन हुने फुटबल प्रतियोगिताको सम्पूर्ण तयारी पुरा भएको छ ।
भोली शुक्रबारबाट सूरु हुने प्रतियोगितामा इलाम र झापाका गरी जम्मा १६ वटा टिमको सहभागिता रहने छ । प्रतियोगिताको पहिलो पुरस्कार रु ५१ हजार र दोश्रो हुनेले रु ३१ हजार रुपैया प्रदान गरिने आयोजक समितिका अध्यक्ष भरत राईले बताए । खेल सञ्चालन गर्नको लागि भरत राईको अध्यक्षतामा आयोजक समिति गठन गरी सम्पुर्ण तयारी पुरा भएको जनाइएको हो ।
शुक्रबार दिउसो रोङ गाउपालिकाका अध्यक्ष सम्सेर राइले खेलकुदको उद्घाटन गर्ने कार्यक्रम रहेको । पहरी गाउ खेल मैदानमा सञ्चालन हुने प्रतियोगिताको पहिलो पुरस्कार नेपाली काग्रेस इलामका युवा नेता डम्बर खड्काले र दोश्रो पुरस्कार पाथीभरा क्षेत्र बिकास कोषले उपलब्ध गराएको आयोजक समितिका अध्यक्ष राईले जानकारी दिए ।
प्रतियोगिताको उद्घाटन खेलमा आयोजक पहरी गाउ खेलकुद समिति र फाजीगाउ एफसी बिच हुने भएको छ । प्रतियोगितालाई सफल बनाउन इपूर्वले अफिसियल मिडियाको रुपमा साथ दिने भएको छ ।
