इलाम : सखुवाको काठ सहित मंगलबार विहान इलामबाट चार जना पक्राउ गरेका छन् ।
पक्राउ पर्नेमा ईलामको माङ्सेबुङ गाउँपालिका ४ का १९ वर्षीय सबिन लिम्बू २१ वर्षीय राजकुमार पाल, १३ वर्षीय सगुन लिम्बू र १५ वर्षीय सुभित राई रहेका छन् ।
इलामको चुलाचुली गाँउपालिका ५ स्थित सिंधुवा खोलामा साईकलमा लोड गरी अबैध रुपमा लादैं गरेको ८० क्युविक फिट सखुवाको फेन्टासहित उनीहरु पक्राउ परेका हुन् । प्रहरीले काठ ओसार्न प्रयोग गरेको २० थान साईकल समेत बरामद गरेको छ ।
पक्राउ परेका चारैजनालाई आवश्यक कार्वाहीको लागि सब डिभिजन वन कार्यालय चुलाचुलीमा बुझाईएको जिल्ला प्रहरी कार्यालय इलामले जनाएको छ ।
प्रहरी चौकी पेल्टीमारी इलामबाट निस्किएको प्रहरी गस्ति टोलीले विहान ५ बजे उनीहरुलाई पक्राउ गरेको थियो ।
