पाँचथर : संघीय समाजवादी फोरम नेपाल फाल्गुनन्द गाउँपालिका १ को वडा अध्यक्षमा विमला आङ्देम्बे लिम्बु चयन भएकी छन् ।
वडाका नेता रामनाथ आङ्देम्बेको अध्यक्षता तथा केन्द्रिय अनुशासन समिति सदस्य बिष्णुकुमार लावतीको प्रमुख आतिथ्यमा भएको वडाको दोस्रो अधिवेशनले लिम्बूको नेतृत्वमा १७ सदस्यीय वडा कमिटी गठन गरेको छ ।
कार्यक्रममा पार्टी नेता एविराज आङ्देम्बे, प्रदेश समिति सदस्य टीका नेम्बाङ, गाउँपालिका इन्चार्ज मणिकुमार कुरुम्बाङ्ग लगायतको उपस्थिती रहेको थियो ।
ससफोको केन्द्रिय अधिवेशनको तयारीको लागि प्रत्येक स्थानीय र प्रदेश तह सम्म अधिवेशन गरि केन्द्रिय अधिवेशन गर्ने केन्द्रको निर्णय अनुसार संगठनलाई दर्विलो बनाउन आफुहरु सक्रिय साथ लागि परेको नेता आङ्देम्बेले बताए ।
तत्काल पाँचथर जिल्लाका सबै तहहरुमा अधिवेशन सम्पन्न गरिने उनको भनाइ छ । अधिवेशनमा नयाँ कार्यकर्ताहरुको पार्टी प्रवेश सहित भव्य कार्यक्रम सम्पन्न भएको संचालक गणेश सम्बाहाम्फेले जानकारी दिए ।
