नेपाल कम्युनिष्ट पार्टीले देशव्यापी रुपमा २४ औं जनयुद्ध दिवस मनाउने

  नयाँ बुलन्द  227 पटक हेरिएको

काठमाडौँ  : नेत्रविक्रम चन्द नेतृत्वको नेपाल कम्युनिस्ट पार्टीले देशभर विभिन्न कार्यक्रम गरी २४ औँ जनयुद्ध दिवस भव्यतापूर्वक मनाउने भएको छ । दुईमहिने सङ्गठन सुदृढीकरण तथा विस्तार अभियानमा होमिएको नेकपाले अभियानमै जनयुद्ध दिवस मनाउन लागेको जानकारी पनि प्राप्त भएको छ ।

नेपाली जनताले भोगेको सामन्ती दासता, पुँजीवादी शोषण-उत्पीडन, साम्राज्यवादी दोहन र सबैखाले विभेदबाट मुक्तिका लागि तत्कालीन नेकपा (माओवादी) ले हतियार उठाएको २३ वर्ष पूरा भएर २४ वर्ष लागेको अवसरमा २४ औँ जनयुद्ध दिवस देशव्यापी रूपमा मनाउन लागिएको जानकारी नेपाल कम्युनिस्ट पार्टीले दिएको छ ।

तत्कालीन नेकपा (माओवादी) ले २०५२ साल फागुन १ गते जनयुद्ध सुरु गरेको दिनको स्मरणमा नेकपाले २४ औँ जनयुद्ध दिवस मनाउन लागेको हो । माओवादीको एउटा धोकेबाज नेतृत्व महान् सहिदहरूको रगत लतपतिएको रक्तरञ्जित झन्डा फालेर वर्गदुस्मनसामु लम्पसार परे पनि नेपाल कम्युनिस्ट पार्टीले एकीकृत जनक्रान्तिको नयाँ कार्यदिशाबाट पृथक रूपमा जनयुद्ध जारी राखेको भन्दै हरेक वर्ष जनयुद्ध दिवस मनाउँदै आएको छ ।

यता जनयुद्ध दिवसको अवसरमा फागुन १ गते इलाम सदरमुकाममा नेपाल कम्युनिष्ट पार्टीले विशाल जनसभा गर्दैछ । इलामको चोकबजारमा हुने जनसभामा पार्टीका केन्द्रीय नेताहरुले समोधन गर्ने नेपाल कम्युनिष्ट पार्टी इलामले नयाँ बुलन्दलाई जानकारी दिएको छ ।

तपाईको प्रतिक्रिया

सम्बन्धित समाचार