इलाम : इलाममा भिरबाट लडेर एक ब्यक्तीको मृत्यू भएको छ । इलाम नगरपालिका ३ पुवामझुवाका ५४ वर्षिय बेलबहादुर गुरुङको मृत्यू भएको हो ।
गत २२ गते घरबाट आलुको बिउ लिन जान्छु भनि हिनेका गुरुङ घर नपर्के पछि खोजतलास गर्ने क्रममा आज मृत अवस्थामा फेला परेका हुन् । जिल्ला प्रहरी कार्यालय इलामका प्रमुख माधवप्रसाद श्रेष्ठका अनुसार उहाँको शव सन्दकपुर गाउँपालिका १ को अप्ठ्यारोखोप भन्ने भिरमा फेला परेको हो ।
उनको शव सडकबाट करिव ५०÷६० मिटर तल फेला परेको थियो । आफन्तको खवरपछि इलाका प्रहरी कार्यालय मंगलबारेबाट आवश्यक कानुनि प्रक्रिया पुरा गरी लाशलाई पोसमार्टमको लागी इलाम अस्पतालमा ल्याईएको छ । घटनाका विषयमा थप अनुसन्धान भई रहेको वताइएको छ ।
