इलाम : विपद ब्यवस्थापन तथ्याङ्क फारम सम्बन्धी एक दिने अनुशिक्षण तालिम इलाममा सम्पन्न भएको छ । जिल्ला प्रह। कार्यालय इलामको आयोजनामा तालिम सम्पन्न भएको हो ।
प्रमुख जिल्ला अधिकारी श्रवणकुमार तिमिल्सिनाको प्रमुख आतिथ्यमा मातहतका सम्पुर्ण युनिट ईन्चार्जहरु तथा कार्यरत प्रहरी कर्मचारीहरुलाई विपद ब्यवस्थापन तथ्याङ्क फारम सम्बन्धी तालिम दिईएको हो ।
तालिम जिल्ला प्रहरी कार्यालयको सभाहलमा भएको थियो ।
सोही प्रशिक्षण कार्यक्रमा प्रहरी कर्मचारीहरुलाई बिभागिय कामकार्वाहीमा प्रमुख जिल्ला अधिकारी श्रवणकुमार तिमिल्सिना तथा जिल्ला प्रहरी कार्यालय इलामका प्रमुख प्रहरी उपरीक्षक माधवप्रसाद श्रेष्ठले आवश्यक निर्देशन समेत दिएका थिए ।
