फाकफोकथुम : इलामको फाकफोकथुम गाउँपालिका ७ एकतप्पामा जारी तेस्रो संस्कणको शहिद स्मृति खुल्ला नकआउट फूटबल प्रतियोगितामा माईपोखरी फूटबल क्लब र घरेलु टिम फागुनन्द फूटबल क्लब विजयी भएका छन् ।
आज भएका दुबैखेलमा जितको भारी आन्तर भएको थियाे । दर्शकको बक्लो उपस्थिती राखेको खेलमा खेलाडिले धरै हौसला बटुलेका थिए भने प्रतियोगिता अन्तरगत बुधबार पहिलो क्वाटर फाईनलका दुई खेल संचालन हुनेछन् । पहिलो खेलमा चाैबन्दी फूटबल क्लब आमचोक र मुनाल फूटबल क्लब छन भने दोस्रो खेलमा घुर्बिसे पंचमी र पाँचथरबीच प्रतिष्पर्धा हुने आयोजक समितिका सचिव सुमन दियालीले जानकारी दिए ।
प्रतियोगिताका विजेताले नगद ५० रुपैयाँ तथा उपविजेताले नगद ३० हजार रुपैयाँ सहित ट्रफी र प्रमाणपत्र प्राप्त गर्नेछन् । त्यसैगरी म्यान अफ द टुनामेन्टलाई समेत पुरस्कार पाउनेछन् ।
प्रतियोगितामा इलाम र पाँचथरका विभिन्न १५ टिमको सहभागीता छ । प्रतियोगिताको फाइलन १ फागुनमा हुनेछ ।
सोही प्रतियोगिताको अवसरमा ४० वर्ष उमेर माथिका टिमको सहभागिता रहने गरी भ्याट्रन फूटबल प्रतियोगिता समेत संचालन हुनेछ ।
यसैबीच प्रतियोगिताको फाइनलमा मेला बजार र सुमधुर साँस्कृतिक कार्यक्रमको समेत तयारी गरिएको छ । साँस्कृतिका कार्यक्रममा कलाकारहरु प्रकाश बस्नेत, रमेश सुनुवार, विजय मुकारुङका साथ अन्य स्थानीय कालाकारहरुको प्रस्तुती रहनेछ । साथमा युनिक डान्स सेन्टरका कलाकारहरुको बेजोड प्रस्तुती रहने आयोजकले जनाएको छ ।
देशमा परिवर्तनका लागि विभिन्न समयमा भएका विभिन्न संघर्षमा आफ्नो ज्यानको आहुती दिएका महान् शहिदहरुको स्मृतिमा विगत ३ वर्षदेखि एकतप्पामा शहिद स्मृति फूटबल प्रतियोगिता संचालन भइरहेको छ ।
