इलाम : सोमबार विहान मेची लोकमार्ग अन्तरगत इलामको इलाम नगरपालिका १ मिल गोलाईमा ट्याङकर दुर्घटना हुँदा दुई जना घाइते भएका छन् ।
पाँचथरबाट झापातर्फ जाँदै गरेको मे १ ख १६९३ नम्बरको पेट्रोल बोक्ने खाली ट्याङकर दुर्घटनामा परी चालक इलाम ४ का २५ वर्षीय खग्रेन्द्र राय र सहचालक इलाम ९ का २५ वर्षीय रमेश दुलाल घाइते भएका हुन् ।
अनुहारमा चोट लागेका चालक राय र सामान्य घाइते सहचालक दुलालको जिल्ला अस्पताल इलाममा उपचार भईरहेको प्रहरीले जनाएको छ ।
विहान करिब पौने ८ बजे ब्रेक फेल भई ट्याङ्कर रोडदेखि अन्दाजी ५० मिटर तल खसेको जिल्ला प्रहरी कार्यालय इलामले जनाएको छ ।
