कन्याम : लामो समयको रस्साकसी र आपसी असमझदारीले टुंगो लाग्न नसकेको वडा कार्यालय सम्वन्धी बिवाद अन्तत टुंगो लागेको छ ।
साविकको ३, ४, ५ र ६ वडालाई समायोजन गरि ६ नम्बर कायम गरिएको सो वडामा वडा कार्यालय निर्माणको लागि वडाबासीले जग्गा दिएपनि आपसमा सहमति जुट्न नसक्दा समस्या थियो ।
वडा समितिले जग्गाको टुंगो लगाई साविकको स्थानमा नै वडा कार्यालय रहने सहमति भएको वडा सदस्य बीरबहादुर भूजेलले जानकारी दिए । यसअघी समस्या समाधानका लागि वडा सचिव किशोर अधिकारी सहितको ५ सदस्यीय समिति गठन गरिएको भएतापनि समाधान हुन सकेको थिएन ।
वडा कार्यालयको टुंगो नलाग्दा विभिन्न विकासका कामहरु प्रभावित भएको बाटो निर्माण उपभोक्ता समितिका सदस्य बिजय भूजेलले बताए ।
