पाँचथर : पाँचथरका युवा पत्रकार सन्देश सुब्बा सम्मानित भएका छन् ।
फिदिमबाट प्रकाशित पब्लिक टाइम्स साप्ताहिकको छैठौं वार्षिक उत्सवको अवसरमा आइतबार सुब्बा सम्मानित भएका हुन् । सुब्बालाई कार्यक्रमका प्रमुख अतिथि जिल्ला समन्वय समिति पाँचथरका प्रमुख विष्णुप्रसाद सापकोटाले सम्मान पत्रसहित दोसल्ला ओढाई सम्मानित गरे ।
सो पत्रिकाका पूर्व सहसम्पादक सुब्बालाई विगतमा पुर्याएको योगदानको उच्च मुल्याङ्कन गर्दै सम्मान गरिएको प्रकाशन गणेश साम्पाङले बताए । विगत एक दशकदेखि पत्रकारिता क्षेत्रमा क्रियाशील सुब्बा काठमाडौंबाट प्रकाशित राजधानी दैनिक, धरानबाट प्रकाशित ब्लास्ट टाइम्स दैनिक र फिदिमबाट सञ्चालित इगल एफएममा आवद्ध छन् ।
