रोङ : ३९ शिक्षा दिवस तथा अन्तराष्टिय साक्षरता दिवसको अवसरमा रोङ गाउँपालिकाले शिक्षक र उत्कृष्ट विद्याथीहरु सम्मान गरेको छ ।
यसरी सम्मानित हुने शिक्षकहरुमा आगामी सालको शिक्षा दिवस अगावै सेवा निबित्त हुन लागेका शिक्षकहरु मुक्तिनाथ गजुरेल, पिताम्वर शर्मा पौडेल, चन्द्रकुमार प्रधान, गृमराज खतिवडा, दिलकुमार मगर, चेतनकुमार पौडेल र रमेशराज पौडेल रहेका छन् ।
यसैगरी रोङभरि गत वर्ष शैक्षिक गुणस्तर सुधार गर्न उत्कृष्ट योगदान गर्ने कुमार मगर, चन्द्रकान्त आचार्य, हरिबहादुर भुजेल र बसन्तकुमार कटुवाललाई समेत सम्मान गरिएको छ ।
यसैगरी गत वर्षको कक्षा ८ को जिल्ला स्तरीय परिक्षामा उत्कृष्ट अंक ल्याउने छात्राछात्र शंकर आधारभुत बिद्यालय मार्सेका दिक्षा भुजेल र ज्योति आधारभुत विद्यालय नेहित शान्तिपुरका शिशिर सिवाकोटी, एसईईमा सामेल भएर उत्कृष्ट अंक ल्याउने छात्रा सरस्वती माध्यमिक विद्यालयका भालुझोडाका सजिना ढुङ्गेल र बहुबन मावि बहुवनका छात्र कुबेर पौडेललाइ समेत गाउँपालिकाको अध्यक्ष शमसेर राइले सम्मानपत्र सहित संम्मान गरे ।
रोङ गाउपालिकाको अध्यक्ष शमसेर राईको अध्यक्षतामा भएको कार्यक्रमको संचालन श्रोत व्यक्ति रुकमान सुब्वाले संचालन गरेका थिए ।
