इलाम : इलाम र पाँचथरको सीमा राँके बजारको एक घरमा आगलागी भएको छ ।
देउमाई नगरपालिका वडा नम्बर १ मा पर्ने राँके बजारको ठालुमान श्रेष्ठको घरमा केही बेरदेखि लागेको आगो नियन्त्रणमा आइनसकेको प्रहरीले जनाएको छ।
श्रेष्ठको घरमा आगोको मुस्लो दन्किएको र स्थानीयको सक्रियतामा नियन्त्रण प्रयास भइरहेको राँके प्रहरी चौकीले जनाएको छ । राँके प्रहरी चौकीका इन्चार्ज लीलाध्वज ढकालका अनुसार पाँचथरको फिदिम र इलामबाट दमकल आइरहरेको बताइएको छ ।
श्रेष्ठको घरमा रहेका पसलमा आगो लागेपनि के कारणले आगो लागेको भन्ने अहिलेसम्म खुल्न नसकेको प्रहरीले जनाएको छ ।
