अर्जुन गड्तौला
फिक्कल : सूर्योदय उद्योग वाणिज्य संघको प्रथम एतिहासिक आसन्न अधिबेशनमा दुई प्यानल चुनावी मैदानमा उत्रिएका छन् ।
नेकपा उमालेको समर्थनमा सुर्योदय नगरपालिका ९ का उद्योगी उत्तमकुमार श्रेष्ठ र नेपाली कांग्रेस, नेकपा माओवादी केन्द्र र संघीय समाजवादी फोरमको संयुक्त समर्थनमा सुर्योदय नगरपालिका २ का उद्योगी प्रमोद राईले मगंलबार औपचारीक रुपमा अध्यक्षमा उम्मेद्धारी दिएका छन् ।
श्रेष्ठ प्यानलका बरिष्ठ उपाध्यक्षमा दामोदर चापागाई, प्रथम उपाध्यक्षमामा जिआर (खडग बहादुर) खडका, द्वितीय उपाध्यक्षमा मिलन राई, महासचिवमा लक्ष्मीप्रसाद प्रसाई, सचिवमा युवराज प्रधान र कोषाध्यक्षमा कृष्णकुमारी खडका चाँदनीले उम्मेद्वारी दिएका छन् । त्यसैगरी खुल्ला सदस्यमा युवराज ढुङगाना, मोहन दोर्जे कागते, पवन गटटानी ,बिष्णुप्रसाद मैनाली, महिला सदस्यमा दिपा पोख्रेल, साबित्रा मोक्तान उर्मिला, बालिका प्रधान , साबित्रा पोख्रेल चुनावी मैदानमा छ ।
त्यसैगरी राई प्यानलमा बरिष्ठ उपाध्यक्षमा गौतम प्रधान, प्रथम उपाध्यक्षमा टिकाराम अधिकारी, द्वितीय उपाध्यक्षमा चन्दनमोहन अग्रवाल, महासचिवमा राजन प्रधान, सचिवमा कविता राई, कोषाध्यक्ष लोकबहादुर प्रधान छन् ।
खुल्ला सदस्यमा सुरेन पौडेल, सुजन तिमसिना, पुजन श्रेष्ठ, प्रज्वल प्रधान, महिला सदस्यमा माईमति राई सबिना, देउकुमारी कटटेल देवि, सन्तोकी तामाङ, सन्जिता तामाङ रहेका छन् ।
दुबै प्यानलले नगरका सबै क्षेत्रका उद्योगीहरुलाई समेटका छन् । आगामी २३ गते चुनाव हुदैछ मतदान फिक्कल बुथ र पशुपतिनगर बुथ गरी दुई स्थानमा हुँदैछ ।
गत १६ चैत गते एतिहासिक अधिवेशनको उद्घाटन भएपछि सहमतिमा नेतृत्व चयन गर्ने भन्दै लामो समय नयाँ नेतृत्व चयन प्रकृया रोकिएको थियो । फिक्कल उद्योग बाणिज्य महासंघ र पशुपतिनगर उद्योग बाणिज्य महासंघको एकीकरणपछि हुन लागेको प्रथम अधिवेशन भएको कारणबाट पनि यस अधिवेशनलाई धेरैले महत्वका साथ हेरेका छन् ।
इलामकै ठुलो नगरपालिका सुर्योदय नगरपलिाकाको समग्र उद्योगीको साझा सस्थांको रुपमा रहने भएको कारणबाट अब कस्तो नेतृत्व आउलान् भन्ने यहाँका धेरै उद्योगी, व्यवसायी वा सर्वसाधारण नगरबासीमा चासो रहेको छ ।
अहिले संघमा ६०१ जना सदस्य मतदाताको रुपमा रहेका छन् ।
