नयाँ बुलन्द
झापा : झापाको कमल गाँउपालिका–५ स्थित मंगलमय माध्यमिक विद्यालयका दिवंगत एक पूर्व विद्यार्थीको स्मृतिमा सोमबार एक सय बढी विद्यार्थीहरुलाई जाडोको लागि स्वीटर प्रदान गरिएको छ ।
विद्यालयमा एक कार्यक्रमका बीच कमल –५ का दिवंगत पूर्व विद्यार्थी बन्दना दुमी राईका श्रीमान खेमराज राईले विद्यालयमा अध्ययनरत १३० जना विद्यार्थी स्वीटर प्रदान गरेका हुन् । यसरी स्वीटर पाउनेहरुमा यूकेजीदेखि कक्षा ५ सम्मका विपन्न विद्यार्थी,सुस्तश्रवण लगायतका विद्यार्थीहरु रहेका छन् ।
ती स्वीटर कमल गाँउपालिका शिक्षा विभागका प्रमुख भोला दाहाल, स्रोत व्यक्ति केशव भट्टराई, विद्यालयका अध्यक्ष पूर्णानन्द शर्मा,प्रअ मोहन बगाले थापा, दाताका परिवारहरुलगायतकाले वितरण गरेका थिए।
हङकङमा बस्दैआउनुभएका खेमले आफनी श्रीमतीको सम्झनामा ती स्वीटर वितरण गरेको खेमराजका दाजु कमल राईले बताए । २७ बर्षीया बन्दनाको गत पुस १८ गते निधन भएको थियो ।
