नयाँ बुलन्द
काठमाडौं : संघीय समाजवादी फोरम, नेपालले पुष्पकमल दाहाल सरकारलाई दिएको समर्थन फिर्ता लिएको छ ।
समर्थन फिर्ताको पत्र बुधबार नै सभामुख ओनसरी घर्तीलाई बुझाइएको छ । संसदीय दलका नेता अशोककुमार राईद्वारा हस्ताक्षरित पत्र फोरम नेपालका प्रमुख सचेतक शिवजी यादवले सभामुखलाई बुझाए ।
संसदमा फोरमका १५ सांसद छन् ।
संयुक्त लोकतान्त्रिक मधेसी मोर्चाले ५ बुँदे माग राख्दै दिएको सात दिने अल्टिमेटम मंगलबार सकिएलगत्तै समर्थन फिर्ता गरेको घोषणा गरेको हो । साउन १८ गते फोरम नेपालले प्रधानमन्त्रीका प्रत्यासी माओवादी केन्द्रका अध्यक्ष पुष्पकमल दाहाललाई समर्थन गर्ने निर्णय गरेको थियो ।
